Слово "О законе и благодати" митрополита Илариона

О законе Моисеом даннем ему и о благодати и истине Исус Христом бывшим... и похвала кагану нашему Владимиру

      Благословен господь бог иизраилев, бог християнеск, яко посети и сътвори избавление людем своим, яко не презре твари своея до конца идольским мраком одержиме быти и бесовскыим служениим, но оправди прежде племя Авраамле скрижальми и законом, послежде сыном своим вся языкы спасе Евангелием и крещением и вводя в обновление пакыбытиа в жизнь вечную...
      Закон бо предтечя бе и слуга благодати и истине; истина же и благодать слуга будущему веку, жизни нетленней. Яко закон привождааше възаконеныа к благодатному крещению, крещение же препущает сыны своя на вечную жизнь. Моисий бо и пророци о Христове пришествии поведаху, Христос же и апостоли его о въскресении и о будушем веце...
      И что успе закон? что ли благодать? Прежде закон, потом благодати; прежде стень ти, потом истина. Образ же закону и благодати -Агар и Сарра, работнаа Агар и свободнаа Сарра; работнаа прежде ти, потом свободнаа. И да разумеет, иже чтет. Яко Авраам убо от уности своея Сарру име жену си, свободну, а не рабу, и бог убо прежде век изволи и умысли сына своего в мир послати, и тем благодати явитися. - Сарра же не раждаше, понеже бе неплоды; не бе нештоды, но заключена бе божиим промыслом на старость родити: безвестная же и утаенаа мудрости божиа утаена бяху ангел и человек, не яко не явима, но утаена и на конец века хотяща явитися. Сарра же глагода к Аврааму: "се заключи мя господь бог не раждати; вниди убо к рабе моей Агари и родиши от нея". Благодать ше глагола к богу: "аще несть времене снити ми на землю и спасти мир, сниди на гору Синай и закон положи". Слушая Авраам речи Саррины и вниде к рабе, ея Агари. Послуша и бог яже от благодати словес и сниде на Синай. - Роди же Агарь раба от Авраама рабочищь, и нарече Авраам имя ему: Измаил. И снесе Моисеи от Синайскыя горы закон, а не благодать, стень, а не истину. - По сих же уже стару сущу Аврааму и Сарре, явися бог Аврааму, седящу ему пред дверьми куща своеа, в полудне, у дуба Мамврийскаго; Авраам же тече в сретение ему и поклонися ему до земле и приат и въкущу свою. Веку же сему к концу приближающуюся, посети господь человеческаго рода и сниде с небесе, в утробу девицы въходя; приять же и девица с покланяием в кущу плотяную не болевши, глаголющи к анголу: "се раба господня, буди мне по глаголу твоему". - Тогда убо отключи бог ложесна Саррина, и заченши роди Исаака, свободнаа свободнаго. Присетивту богу человечьска естества, явишася уже безвестная и утаеная, и родися благодать и истина, а не закон; сын а не раб. - Яко отдоися отроча Исаак и укрепе, и сътвори Авраам гостивству велику, егда отдоися Исаак сын его. Егда бе Христос на земли, и еще благодать не укрепела беаше, но дояашеся еще, за 30 лет, в няже Христос таяшеся; егда же отдоися и укрепе, явися благодат божиа спасеннаа всем человеком в Иерданстей реце; сътвори бог гостивству велику и пир велик тельцем упитанным от века, възлюбленныим сыном своим Исус Христом, съзвав на едино веселие небесьныа и земленыя, съвъкупив в едино ангелы и человекы...
      Вера бо благодатнаа по всей земли распростреся, и до нашего языка русскаго дойде, и законное езеро пресыше, евангельскый же источник наводився, и всю землю покрыв, и до нас пролиявся. Се бо уже и мы с всеми христианми славим святую троицу, а Июдея млъчит...
      Хвалит же похвальными гласы Римъская страна Петра и Павля, имиже вероваша в Исуса Христа сына божиа; Асиа, и Ефес, и Патм -Иоанна Богослова; Индия - Фому, Египет -Марка; вся страны, и грады, и людие чьтут и славят коегождо их учителя, иже научиша православней вере. Похвалим же и мы, по силе нашей, малыми похвалами великаа и дивнаа сътворшаго нашего учителя и наставника, великаго кагана нашеа земля Владимера, внука стараго Игоря, сына же славнаго Святослава, иже, вь своа лета владычьствугоща, мужством же и храбъръствомь прослушя в странах многах и победами и крепостию поминаются ныне и словут Не в худе бо и не в неведоми земли владычьствовашя, но в Русской, яже ведома и слышима есть всеми концы земля...
      Добр послух благоверию твоему, о блаженниче, святаа церкви святыа богородица Мариа, юже създа на правоверней основе, идеже и мужьственное твое тело ныне лежит ожыдаа трубы архангеловы. Добр же зело и верен послух сын твой Георгий, егожь створи господь наместника по тебе твоему владычеству, не рушаща твоих устав нъутворжающа, ни умаляюща, твоему благоверию положениа, но паче прилагающа, не казяща, н учиняюща, иже недоконьчаннаа твоа доконча, акы Соломон Давыдова, иже дом божий великый святый его премудрости съезда на святость и освящение граду твоему, южо с всякою красотою украси златом и сребром и камением драгыим, и съсуды честныими, яже церкви дивна и славна всем окружныим странам, якоже ина не обрящется в всем полунощи земнем, от встока до запада, и славный град твой Кыев величьством яко венцем, обложил, предал люди твоя и град святей всеславней, скорей на помощь христианом, святей богородици...
      Встани, о честнаа главо, от гроба твоего, встани, отряси сон! Неси бо умерл, но спиши до общаго всем встаниа. Встани, неси умерл, несть бо ты лепо умрети, веровавшу в Христа, живота всему миру. Отряси сон, взведи очи, да видиши, какоя тя чьсти господь тамо сподобив и на земли не безпамятна оставил сыномь твоим. Встани, виждь чадо свое Георгия, виждь утробу свою, виждь милааго своего, виждь, егоже господь изведе от чресл твоих; виждь красящааго стол земля твоей, и возрадуйся, възвеселися. К сему же виждь и благоверную сноху твою Ерину, виждь вънукы твоа и правнукы, како живуть, како храними суть господем, како благоверие держать по преданию твоему, како в святыа церкви частять, како славять Христа, како поклоняются имени его. Виждь же и град величьством сияющь, виждь церкви цветущи, виждь христианство растуще, виждь град иконами святыих освещаем блистающеся, и тимианом объухаемь, и хвалами и божественами пении святыими оглашаемь. И си вся видев, възрадуйся, и взвеселися, и похвали благаго бога, всем сим строителя.



   назад       далее   

Rambler's Top100