"Изборники" Святослава 1073 и 1076 гг.

      Слово некоего калугера о чьтьи книг. Добро есть, братие, почитанье книжьное, паче вьсякому хрьстьяну: блажени бо, рече, испытаюштии съведения его, вьсемь сердьцьмь възиштють его. Чьто бо рече: испытаюштеи съведения его? Егда чьтеши книгы, не тъштися бързо иштисти до другыя главизны, н поразумеи, чьто глаголють книгы и словеса та, и тришьды обраштяяся о единои главизне. Рече бо: в сьрдьци моемь съкрых словеса твоя, да не съгрешу тебе. Не рече: усты тъчью излаголах, н и в сьрдьци съкрых, да не съгрешу тебе. И поразумевая убо истиньне писания, правим есть ими. Реку же: узда коневи правитель есть и въздьржяние, правьдьнику же книгы. Не съставить бо ся корабль без гвоздии, ни правьдник бес почитания книжьнааго, и яко же пленником ум стоить у родитель своих, тако и правьдьнику опочитаньи книжьнемь. Красота воину оружие и кораблю ветрила, тако и правьднику почитание книжьное. Отъкрыи бо, рече, очи мои, да разумею чюдеса от закона твоего, очи бо, глаголеть, розмысл сердечьныи и прочее...



   назад       далее   

Rambler's Top100