Сказание, как сотворил бог Адама

      ... создати в земли Мадиамстей человека, взем земли горсть ото осьми частей: 1) от земли - тело, 2) от камени - кости, 3) от моря - кровь, 4) от солнца - очи, 5) от облака - мысли, 6) от света - свет 7) от ветра - дыхание, 8) от огня - оттепла. И поиде господь бог очи имати от солнца и остави Адама единаго лежаща на земли; прииде же окаянный сотона ко Адаму и измаза его калом и тиною и возгрями. И прииде господь ко Адаму и восхоте очи вложити во Адама, и виде его мужа измазанна: и разгневася господь на диавола и нача глаголати: "окаянне диаволе, проклятый, но достоит ли твоя погибель? Что ради человеку сему сотворил еси пакость, измаза его? и проклят ты буди", - и диавол исчезе, аки молния, сквозь землю от лица господня. Господь же, снем с него пакости сотонины, и в том сотвори господь собаку и смесив со Адамовыми слезами и теслою очисти его, аки зерцало, от всех скверн и постави собаку и повеле стрещи Адама, а сам господь отъиде в горний Иерусалим по дыхание Адамлево. И прииде вторые сотона, и восхоте на Адама напустити злую скверну, и виде собаку при ногах Адамлевых лежаща, и убояся вельми сотона. Собака начала зло лаяти на диавола, окаянный же сотона, взем дерево, и истыка всего человека Адама, и сотвори ему в нем 70 недугов. И прииде Исус из горнево Иерусалима, и виде Адама древом исколота, и милосердова о нем и рече сотоне: "проклятый диаволе, что сотворил человеку сему, почто вложил недуги сия?" - Тогда отвеща диавол, окаянный сотона, господу, глаголя: "аще приидет кая болезнь человеку сему, да не постигнет, до скончания всего тобя не помянет; аще ль поболит, кой недуг в нем постраждеть, тогда всегда тебя имать на помощь призывати в недузех сих". - И отгна господь диавола, и исчезе диавол, прогна[н] аки тма светом, и обороти вся недуги в него.
      И посла господь ангела своего, повеле взяти азъ на востоце, добро на западе, мыслете на севере и на юзе. И бысть человек в душу живу, нарече имя ему Адам. А костей сотвори бог во Адаме 345, и бысть Адам царь всем землям, и птицам небесным и зверем земным и рыбам морским, и самовласть дасть ему бог. И рече господь Адаму, глаголя: "тебе работает солнце и луна, и звезды, и птицы небесныя, и рыбы морския, и птицы, и скоты, и гади". - И насади господь бог рай на востоце и веле Адаму пребыти, а жена Адаму еще не сотворена бысть. И вложи господь бог сон во Адама, и успе Адам, и взят его ребро левое, и в том ребре протяже руце и нозе и главу, и созда ему жену в шестый день, и показа ему господь свою смерть и распятие и воскресение, и провиде вознесение за полшесты тысящь лет. И виде Адам господа распята, а Петра в Риме ходяща, а Павла в Дамасце учаща народ и проповедующе твое (siс!) воскресение, и вознесеся господь...
      И воста Адам от сна своего и трепетен бысть во ужасе велице о провидении. И вожда (siс!) И господь Адама в раи ходящя и рече ему: "Адаме, Адаме, повеждь ми". Адам же убояся вельми, не смея богу поведати того видения. И рече ему господь бог: "Адаме, Адаме!" - Адам же рече ему: "господи владыко, тебе видех на кресте распята во Иерусалиме, а ученики твоя виде[х] ходяща - Петра в Риме, а Павла в Дамасце, проповедующе твое распятие и воскресение". - И рече ему господь: подобает ми тебе ради снити на землю и распяту быти и в третий день воскреснути; а ты же не поведай никомуже видения сего, дондеже увидиши мя в раю седяща одесную отца, и ты о том поскорби, Адаме". И бысть Адам в раи 7 дний, прообразуя господь бог житие человеческое: 10 лет исполнится рожение, 20 лет - юноша, 30 лет - свершение, 40 лет - средовечие, 50 лет - седина, 60 лет - старость, 70 лет - скончание...



   назад       далее   

Rambler's Top100